孕婦與貓

我屋企飬左兩隻肥貓，一隻叫 Shiva，5歲英國短毛女，另一隻叫 Seymour, 4歲美國短毛仔。

有好多人大肚後為左一了百了唔想理咁多而放棄自己嘅寵物，特別是係貓。因為貓有機會一種弓形蟲，而呢種蟲會影響胎盤發育。其實呢個可能性對於家貓黎講機會係非常之微！如果貓貓一直都係住室內同冇食開生肉又有杜蟲幾乎係唔會生蟲的。真係唔放心的話可以帶貓貓去檢查，或者自己去見醫生抽血驗下有冇弓形蟲抗體。弓形蟲對健康嘅成年人影響唔大，已經養貓有一段時間嘅主人可能感染過而且產生了抗體連自己都唔知架～

我由知道自己有左之後就冇再幫貓貓清貓沙啦～ 但都會同佢地有互動，接觸後洗手保持乾淨。我覺得貓同孕婦絕對係可以一齊生活的，只有唔好掂佢地D便便同埋保持個人同環境清潔就唔會有問題啦 ^^ 更何況我已經當左我D貓係我嘅仔女，點會捨得唔要佢地呢！

呀B呀～

係9月嘅時候我發覺自己身體好似有D唔妥，明明未M到但會有少少M痛嘅感覺。心思思下走去買左支驗孕棒，一驗之下.... *BINGO*

真係中左奬呀！果時心情又開心又擔心。本來都諗住呢兩三年內有小朋友，但冇諗過會咁快，加上當時岩岩租左新舖，裝修，入貨，擺設樣樣都未開始整... 擔心自己無辦法工作同休息兩樣都兼顧好。但好彩呀B好乖，冇令我作嘔作悶，又食得落野～ 一切如常, 正常到有時我都懷疑我係咪真係有左... ^^" 

直到照到呀B心跳同形狀，我先安心D！見到佢已經慢慢成形，個心仔係咁跳，果種開心真係好難而形容！原來有D事要親身體驗先感受到果份喜悅 ：）

呀B而家15w 啦～下星期就有機會知道性別！好期待！好緊張！希望呀B合作張開對腳仔俾醫生照照喔～ <3

我最喜愛嘅季節來臨啦～

天然開𨍭涼，代表冬天越來越近！雖然岩岩先踏入十一月但係已經見到有聖誕樹同裝飾～ 節日嘅氣氛令人心情都好D ^^ 今年仲特別D 心情更加興奮！係咩事呢？下星期先講 :D ! 

清潔肚臍～

話說有一晚沖涼前照鏡望望下覺得個肚臍好似有D唔乾淨，喇喇淋拎支棉花棒Liu Liu 佢。點知一Liu 不可收拾... 原來平時沖涼捽幾捽根本洗唔到肚臍，入面積累左好多令人見到唔多開心嘅野... 所以要定期用棉花棒清潔下呀～我上網搵左個比較溫和嘅方法，可以參考下😁

如何安全清理肚臍?

肚臍本來就是藏污納垢的地方，裡邊有點污垢，可以保持正常肚臍溫度。否則，太乾淨，熱量散發快，腸胃功能都要受損。可以說臍屎是「清潔類排放物」的代表。

但真的太多又很想把它清除的話最好滴上橄欖油潤濕它，過一會再用棉棒輕輕擦試。也可用熱水淋浴泡，輕輕搓，別太乾淨，否則要鬧肚子的。如果是寶 寶有肚臍屎的話可用香油塗抹在肚臍眼上，軟化肚臍上的黑色物質，然後用嬰兒香皂塗抹，再用清水洗淨，大棉簽擦乾水分，不要用力洗，不要摳，防止感染。兩三 次可以洗得乾乾淨淨。

Pole dance 鋼管舞

最近去join 左個Pole dance course，諗住可以借個機會伸展下筋骨，順便做下運動啦！我本身無舞道底子，拉起筋上黎簡直係攞命！原來我隻手已經唔可以企直彎腰掂到個地下，我記得幾年前都仲得架... :( 成個人硬繃繃，有時做起D動作都忍唔住笑 ^^"

學左兩堂先知原來跳鋼管舞一定要著高掙鞋同埋要著短袖衫同短褲，唔係單單為左望落去sexy D wo! 而係跳鋼管身體同條管要有好多接觸，如個著長袖衫長褲會好容易"扇"落黎，咁樣會好危險架！我初初都以為上管好易，諗住兩隻腳夾住咪上到去lor.. 但原來上管呢個動作會攪到隻腳勁痛 T_T 我攪左兩堂先勉強上到去。

呢個course 分8堂，8堂內會教一隻舞，學成後仲要表現添.... 表現我唔知我得唔得啦，玩下鍛練下身體咪算lor hahaha ^^

SHIVA 五歲生日 + 雞脾蛋糕分享！

Shiva 係我第一隻寵物，由我大學最尾一年一直都倍係我身邊，見住佢一路以黎建康快樂地成長我已經好滿足啦~ ^^ 呢隻肥妹每最鍾意食雞肉！每年生日我都會整個"雞脾蛋糕”俾佢，佢每次見到都流晒口水~ 哈哈！除左蛋糕，仲有個靚靚皇冠仔~ 年年都有一個架！戴左仲靚女左添！

生日快樂呀寶貝~ 希望你一直健建康康，快快樂樂咁過住悠閒無慮嘅日子~ <3

有好多朋友都問"雞脾蛋糕" 點整架? 咁我就順便係到介紹下啦~

材料:雞脾(連皮)兩隻

做法:
1. 先洗乾淨雞件
2. 放入電飯煲或鑊爐裡蒸20~30分鐘 (一定要保留蒸雞時流出的雞汁)
3. 蒸熟後雞脾拆肉
4. 將雞脾肉放入容器然後倒入雞汁 (可以選擇任何形狀，如有心心或其他得意容器整出黎會更可愛)
5. 放入雪櫃之少5小時待凝固就搞掂㗎啦！

好多貓咪都好鍾意食雞肉，所以呢款蛋糕一定岩晒佢地心意！揀用雞脾(連皮)因為皮同埋雞脾筋經過蒸煮後流出有黏性嘅骨膠原，以呢D雞汁就係凝固蛋糕嘅最佳材料啦！如果貓咪唔識食啫哩狀嘅食物，食用前可放入微波爐叮20秒，就會變番雞肉+雞汁架啦~ 全天然無任何添加~ 貓咪食得開心又放心 ^^

Secret Key 化妝棉濕敷補養法

                                              (唔好意思，個樣好衰要用心心眼遮醜 XD )

 

最近我好鐘意用化妝棉濕敷，之前都有試過..但係因為之前某牌子嘅神仙水太貴，試過幾次之後實在唔捨得.... 所以就放棄左啦 ^^” 但係近排因為入左Secret key 神仙水嘅升級版，自己無理由唔試下架!價錢又相宜，用多D 都唔會心痛！

等我講下咩叫濕敷先，濕敷就係將化妝水倒係化妝棉上,敷3~5分鐘左右，算係一種好方便同快捷既保養方法, 每星期可以做3~4次, 可以令皮膚有時間吸收化妝水入面嘅養份，從而令功效發揮得更好, 好過就咁拍架~ keep 住做會好快見到效果!

除左神仙水之外大家都可以用其他化妝水做濕敷，留意番盡量揀D性質溫和嘅化妝水就唔會咁易敏感啦。另外化妝棉建議揀D 比較薄身同埋大塊少少嘅, 咁就覆蓋到最大既範圍同埋更貼面啦~

呢個其實並唔係D咩新鮮野黎，我相信平日有好多姊妹都會咁做~但係持之以恆既人就唔多bor~!呢排我好勤力地隔兩日敷一次，覺得功效非常明顯！所以大家都要勤力D呀 ^^

濕敷方法:

1.將化妝棉用化妝水浸溼 (要濕到"稍微擠壓就擠得出水"的程度)
2.輕輕將化妝棉拉開，令化妝棉變得更大塊
3.然後一片片地敷在面上，盡量不要有空隙 (除了眼睛附近)
4.敷大概3~5分鐘，切記唔好敷超過5分鐘, 敷太耐水分會係蒸發嘅過程中將你皮膚原有的水分一併帶走,所以會越敷越乾!
5.一般護理程序


Secret key 神仙水升級版 購物link: http://www.susweet.com/index.php/secretkeyste.html

Unix mini multi iron and mini waver

呢幾日終於有時間去整下個頭，D陰剪齊左之後我個mini multi iron 又大排用場啦 ! 齊陰最怕扁撻撻，尤其是我哩D頭髮薄髮量唔多嘅人,一個唔小心就會變左做barcode 頭, 前面一個個大窿... 😅😅

呢個迷你捲髮器細細隻最岩捲瀏海同髮尾ga la，只要輕輕一捲就可以捲出完美弧度~ 小改變就有大改善,捲完之後望落髪量大增!連我哩d 唔太識整頭嘅都handle 到! 你地一定可以捲得好過我 捲髮器中間係一個直髮夾，可以一物二用呀！

雖然佢咁細件但熱力十足，捲髮後噴埋hair spray 可以keep 足一日架~ 

 

唔爭在介紹埋哩個Unix Mini Waver 捲髮器啦~~

哩個夾人稱蛋卷夾,佢可以同時捲出三個捲,機身輕巧,特別適合一D 好大把長頭髮既朋友架la~
拎佢黎造型非常簡單,同之前既muilt iron 一樣,拎起一撮頭髮,夾5-10秒之後放開,
如果唔想成個頭都咁捲既朋友可以淨係夾髮尾,只集中係髮尾夾小波浪,出到黎亦有唔錯既效果架!

VB program slimming DX 用後感

VB slimmer 其實本來係我一位客人介紹俾我既，佢對呢隻產品讚不絕口，但係市面比較少同埋貴，問我有無得賣。咁我就嘗試去幫佢搵下啦，加上就黎夏天都係時候減下肥，於是自己係韓國買左盒黎試下。

佢本身味道酸酸甜甜似雜莓汁算易入口，咁我每日就開始朝早起身就飲一支。我既體重一直都係105lb 左右，之前無論點做運動同節食一直都突破唔到哩個關口，開頭幾日上磅體重冇乜分別，到第5日終於跌左1lb... 個肚開始無咁漲啦。之後體重就持續慢慢跌，到飲完一盒30支後我減到 99.2lb，衝破埋 100lb 大關!!

全個過程我完全無刻意節食，不過期間有做少少運動(一個月內5次左右) 總結黎講，VB Slimmer 飲用後無為我身體帶黎任何不適，亦無搞肚痛。便便比起之前準時左.. haha，肚腩變得扁平，腰圍減了1 吋(我無縮肚架)。整體感覺唔錯，個人好似有精神左 ^^

注意減肥產品只能夠用黎做輔助性質，唔可以完全依賴喔~ 定期做運動加上均衡健康飲食先可以真正減肥 ^^ 就算比你單靠瘦身產品減到磅數，皮膚亦因為缺乏運動而鬆弛以致未能達到真正’收身’效果哦！夏天就到啦，唔好偷懶快D動起來啦！

夾眼睫毛小小分享♥

我本身眼睫毛雖然唔算短，但係就好硬身，好難先可以夾得攣！之前已經試過好多款嘅眼睫毛夾，最終搵到我嘅至愛 shu uemura 不過就算好用，我都要夾好多次先ok，仲要唔洗一個鐘就謝曬皮…有時仲會夾到甩眼睫毛… 

不過好彩我之後發現左個方法，唔單止可以好輕易夾攣D眼睫毛仲可以keep 好耐！就係夾之前用火機燒一燒個眼睫毛夾，唔好太熱暖暖地就ok，跟住再夾 。只要輕輕一按眼睫毛就會又孿又撬！夾完之後搽眼睫毛膏真係可以keep 足一整日架。 我有見過有blogger 用風筒吹暖眼睫毛夾再夾，呢個方法都可以，但我覺得用風筒唔方便, 火機比較快又方便攜戴，但佢有樣唔好就係會醺黑個眼睫毛夾，不過只要用卸妝棉沾少少卸妝水抹就會乾淨番曬架啦 ^^

Doctorcos 氨基酸核糖面膜第一，二代分享

Doctorcos氨基酸核糖面膜已經發行一段時間，相信第一代已經有好多人用過，我自己用過第一代後，對佢簡直係愛不適手！Doctorcos 不含酒精性質溫和，所以連眼附近比較薄嘅皮膚都可以搽，而且易被皮膚吸收，唔會有笠黐黐嘅感覺，呢個亦係我鐘意用佢嘅原因之一。

我本身係混合性皮膚，除左T字位外面上其他部分都比較乾，特別係近眼位嘅C zone 位冬天會有乾紋！係一個月前我眼附近又開始有乾紋，即刻啦啦臨攞左盒第一代搽 。用左大概一星期左右，乾紋消失左！而家盒第一代已經俾我用到一滴都無得淨… 所以開左盒第二代試試。

第二代新加了蜂王漿蛋白：含有豐富的多元滋養成分，能深層保濕同時修護肌膚，鞏固肌膚自禦力，延緩肌膚老化。一打開蓋已經聞到好香嘅蜂蜜味， 質地比較厚身，推開後明顯地俾第一代滋潤。當皮膚吸收後會留有薄薄一層保護膜，感覺上無第一代咁乾爽但相當滋潤，適合皮膚較乾人仕使用。